Paulit-ulit na Araw ng Lipunan

Noong unang panahon, mula kay “Pagsubok” ay ipinanganak si “Kooperasyon” at si “Kompetisyon”.

Ginahasa ni Kompetisyon si Kooperasyon. Sila ay nagkaroon ng dalawang anak na ang pangalan ay “Pag-alipin” at “Hindi Pantay na Pamamagi”. Matapos ay pinatay ni Kompetisyon si Kooperasyon.

Nagpakasal si “Pag-alipin” at “Hindi Pantay na Pamamahagi” at sila’y nagkaanak na ang mga pangalan ay “Damang Kawalan ng Hustisya” at “Damang Takot”

Nagpakasal si “Damang Kawalan ng Hustisya” at “Damang Takot”. Sila’y nagkaanak na ang mga pangalan ay “Inggit” at “Selos”.
Si “Inggit” ay nagmana kay “Damang Kawalan ng Hustisya”. Si “Selos” naman ay nagmana kay “Damang Takot”. Ngunit dahil pareho sila ng magulang, marami silang pagkakatulad.

Nagpakasal si “Inggit” at “Selos”, at sila’y nagkaanak na ang pangalan ay “Paligsahan”.

Mula kay “Paligsahan” ay ipinanganak si “Putol na Koneksyon” at “Maling Koneksyon”.

Nagpakasal si “Putol na Koneksyon” at “Maling Koneksyon” at sila’y nagkaroon ng dalawang anak na ang mga pangalan ay “Kawalan ng Damdamin” at “Masamang Damdamin”.

Nagpakasal si “Kawalan ng Damdamin” at “Masamang Damdamin” at sila ay nagkaanak na ang pangalan ay “Sigalot”.

Nagkaanak si “Sigalot” na ang pangalan ay “Pagsubok”.

At mula kay “Pagsubok” ipinanganak siĀ  “Kooperasyon” at “Kompetisyon”.

At ang istoryang ito’y magpapa-ulit ulit hanggang hindi natututo si Kooperasyon na talunin si Kompetisyon.

At yan ang balintuna at bugtong, paano tatalunin ni Kooperasyon si Kompetisyon.